Հովիկ Գրիգորյան. «Իմիջը բաղադրիչ է, որը կարող է ասոցացնել բիզնեսը բիզնեսմենի հետ»

1. Հովիկ, եթե մի կերպ անտեսենք ֆինանսական մասը և որպես զբաղմունք գնահատենք, դասախոսի՞, թե՞ բիզնեսմենի կյանքն է Ձեզ համար ավելի հետաքրքիր։

Լրիվ տարբեր աշխարհներ են ինձ համար, ու ամենակարևորը՝ մեկը մյուսին համաչափ փոխլրացնում են ու չեն թողնում, որ հոգնես կամ հիասթափվես:

2. Եթե ունենաք առավելագույնը երկու նախադասության հնարավորություն, ինչպե՞ս կձևակերպեք՝ ով է բիզնեսմենը։

Մարդ, ով ստեղծում է որոշակի արժեք և տիրապետում է ժամանակի կառավարման գործիքներին:

3. Մեր տարածաշրջանի լարվածությունը և ընդհանուր անկայունության զգացումը հոգեբանորեն չի՞ ազդում Ձեզ վրա, Ձեր գործնական պլանների վրա։

Ունի և՛ դրական, և՛ բացասական ազդեցություններ. բացասականը ռիսկերն են ու անորոշությունը, իսկ դրականը՝ նոր հնարավորություններ փնտրելու ու միշտ առաջ գնալու ցանկությունը՝ ի շահ երկրի ու սեփական բիզնեսի:

4. Ի՞նչ դեր ունի գործարարի կյանքում հանրային իմիջը. ավելորդ թիթիզությու՞ն  թե՞ կարևոր բաղադրիչ։

Թիթիզությունը ևս կարևոր բաղադրիչ է, գլխավորը, որ չշեղվես քո առջև դրված նպատակներից: Իմիջը բաղադրիչ է բիզնեսի, որը կարող է ասոցացնել բիզնեսը բիզնեսմենի հետ:

5. 5 ֆիլմ, որոնք ըստ Ձեզ պարտադիր է նայելը։

1-ին տեղում «Побег из Шоушенка», որը փիլիսոփայություն է կյանքի ու նպատակին հասնելու մասին:

2-ը «Крестный отец» ֆիլմն է, կարևոր է նշել, որ այս ֆիլմը (բոլոր 3 սերիաները) 3-4 տարին մեկ պարտադիր պետք է կրկին դիտել, ամեն տարիքում յուրովի ես ընկալում խոսքերը:

3-ը «Гладиатор». նորից հաղթելու ու նպատակին հասնելու վառ օրինակ:

4-ը «Придел риска», որտեղ պարզ նկարագրվում է, թե ինչքան կարևոր է յուրաքանչյուր օղակում աշխատակցի կարծիքը ժամանակին լսելը:

5-ը «Հարսնացուն հյուսիսից»: