2021թ․ ամենաարագ աճող բրենդները

Այս հոդվածի հիմքում ընկած են Morning Consult-ի ամենօրյա ուսումնասիրությունները։

Morning Consult-ի ցանկում տեղ գտած 1159 բրենդների միջին աճը 2021թ․ հունվար-հոկտեմբեր ամիսներին կազմել է 0,33 տոկոս, ինչը շատ լավ է, սակայն զիջում է նախորդ տարիների նույն ցուցանիշին։ Համաճարակով պայմանավորված՝ վերջին տարիների անորոշության ու իրարանցման շրջանում մարդիկ ապավինում են ավելի կայուն բրենդներին կամ պրոդուկտներին, ումից կամ էլ ինչից արդեն գնումներ են կատարել։

Իսկ ինչպե՞ս է որոշվում, թե որոնք են ամենաարագ աճող բրենդները ․ դասակարգումը որոշվում է 2021 թվականի ընթացքում գնման աճի չափման միջոցով:

Այսպիսով, ամենաարագ աճող 20 բրենդների 25 տոկոսը կրիպտոարժույթներով զբաղվող, ֆինանսական տեխնոլոգիաներով զբաղվող և թվային վճարումներով զբաղվող կազմակերպություններն են:

Կրիպտոփոխանակման հարթակ Coinbase-ը ամենամեծ աճն է ունեցել ֆինանսական ծառայություններ մատուցող բրենդների ցանկում։

Paramount+ -ը և HBO Max -ն ունեցել են թռիչքաձև աճ բոլոր սերունդների սպառողների շրջանում: Ամենաարագ աճող բրենդներից մեկը՝ TikTok-ը, որը սովորաբար ասոցացվում է Gen Z-ի հետ, նոր լսարան է փնտրում տարեց ամերիկացիների շրջանում:

Ըստ տվյալների՝ Wendy’s, Chipotle Mexican Grill, Snickers և Ruffles սննդի հետ կապված բրենդները աճ են գրանցել միայն Gen Z-ի շրջանում։

Վերևում խոսվեց համաճարակի մասին, իսկ հիմա ավելացնենք, որ դրա արդյունքում պատվաստումային բրենդները նույնպես աճել են․ Moderna-ն և Pfizer-ն աճել են համապատասխանաբար 7,3 և 3,1 տոկոսով։

Հետաքրքիր մի փաստ Smirnoff Vodka-ն, Indian Motorcycles-ը, Crown Royal-ը և Vizzy Hard Seltzer-ն ունեցել են գնումների միտման զգալի աճ, որի արդյունքում ցավազրկող Tylenol-ը նույնպես ունեցել է աճ, որպեսզի օգնի «չեզոքացնել» վերը նշվածների օգտագործման արդյունքները։

Toyota-ն առաջին ավտոմոբիլային բրենդն է, որ ամենաարագ աճող բրենդների ցուցակում է։

Ստորև ներկայացնում ենք թոփ 20 ամենաարագ աճող բրենդները՝ ըստ տարբեր տարիքային խմբերի․

Ենթադրվում է, որ ֆինանսական տեխնոլոգիաների և բլոկչեյնի շարունակական նորարարությունները գնալով հանգեցնելու են սպառողների և ֆինանսական ծառայություններ մատուցողների միջև հարաբերությունների խզման: Սպառողները կամ կաշխատեն մատակարարների ավելի լայն շրջանակի հետ, կամ ընդհանրապես կհրաժարվեն միջնորդներից, որպեսզի կառավարեն իրենց ֆինանսները ապակենտրոնացված լուծումներով։