Հետաքրքիր փաստեր, թվային ցուցանիշներ, օրինակներ ՀՀ-ում և աշխարհում գործող հյուրանոցների մասին. հոդվածը կներկայացնենք շուտով
Actual-ը շարունակում է ուսումնասիրություններ կատարել տեղեկատվական տիրույթում: Այս անգամ մեր թիմի ուշադրության կենտրոնում են հայտնվել Երևանից դուրս գտնվող հյուրանոցները: Այս ոլորտում մրցակցությունը մեծ է, քանի որ հարմարավետ և շքեղ հյուրանոցները չեն զիջում մեկը մյուսին՝ հյուրերին առաջարկելով այն բոլոր ծառայությունները, որոնք կարող են հանգիստը անմոռանալի դարձնել:
Ծավալուն ուսումնասիրությունը դեռևս ընթացքի մեջ է, սակայն շուտով, մեր գործընկերների համաձայնությամբ, Actual-ի կայքում կհրապարակենք այդ ուսումնասիրությունից ոչ կոնֆիդենցիալ մի հատված: Այն ներառելու է հուլիսի 1-ից 15-ն ընկած ժամանակահատվածում Ֆեյսբուքում և Ինստագրամում թողարկված տեղեկատվական հոսքերի վերաբերյալ ուսումնասիրություն։ Նշենք, որ տեղեկատվական հոսքերի վերաբերյալ քանակական և որակական ցուցանիշները հստակ ցույց են տալիս, թե սոցիալական հարթակներում որ հյուրանոցներն են ավելի ակտիվ, որ հյուրանոցի հրապարակումներն են ավելի շատ վաճառքի էլեմենտներ պարունակում և, ի վերջո, ինչ տեսակի կոնտենտ է գեներացվում այս ոլորտում:
Կատարված հետազոտության արդյունքում հետաքրքիր պատկեր ենք ստացել։ Օրինակ՝ կան բավականին հայտնի և սոցիալական հարթակում շատ հավանումներ ունեցող հյուրանոցներ, որոնք մեկ ամսից ավել իրենց էջում ոչ մի հրապարակում չեն կատարել, կան նաև այնպիսինները, որոնք ամեն օր ակտիվություն են ցուցաբերում, գեներացնում են վաճառքի տարրեր պարունակող կոնտենտ և մարդկանց ներկայացնում իրենց հյուրանոցի առավելությունները:
Կարծում ենք՝ այս ուսումնասիրությունը հետաքրքրություն կառաջացնի հյուրանոցային ոլորտում գործունեություն ծավալող անձանց շրջանում և իր օգտակարությունը կունենա ոլորտի ներկայացուցիչների համար:
PR հետազոտող, Արփի Տիգրանյան:
