Instagram-ի մասին ամենահետաքրքիր վիճակագրությունը 2021թ․

Սոցիալական մեդիան մեծ տարածում ունի: Ու դժվար թե լինեն մարդիկ, ովքեր համացանցի օգտատերեր են, բայց տեղյակ չեն կամ չեն օգտվում սոցիալական հայտնի հարթակներից, ինչպիսիք են Facebook-ը, Twitter-ը և այլն: 

Instagram-ը ավելի հին հարթակների համեմատ շատ ակնհայտ առավելություն է ունեցել, այն իսկզբանե ստեղծվել է որպես mobile check-in հավելված, որի հիմնական հնարավորությունը եղել է check-in-ը, իսկ երկրորդականը՝ նկարներով կիսվելը։ Այլ կերպ ասած՝ check-in-ին կցվում էր նկար։ Հետագայում նկարներով կիսվելու երկրորդական, լրացուցիչ ֆունկցիոնալը դարձավ առաջնային, իսկ check-in-ը՝ երկրորդական։ Ու հենց այս կենսական փոփոխությունը հաջողություն բերեց հավելվածին, հետագայում էլ արդեն դարձավ հզոր գործիք ինֆլուենսեր մարքեթինգի համար: 

Վերջին շրջանում Instagram-ը անհավանական աճ է գրանցել, ստորև ներկայացնում ենք հետաքրքիր վիճակագրություն։ Մինչ այդ նշենք, որ Instagram-ը թողարկվել է 2010թ․ հոկտեմբերի 6-ին, և միայն առաջին օրում  25․000 մարդ է գրանցվել հարթակում։

1. Instagram-ը ունի ավելի քան 1 միլիարդ ակտիվ օգտատեր 2021թ․։

2. Հնդկաստանն ունի ամենամեծ լսարանը՝ 180 մլն օգտատեր։ Համեմատելու համար նշենք, որ ԱՄՆ լսարանի թիվը 170 մլն է։ (influencermarketinghub)

3. Instagram-ը 10 ամենաշատ այցելվող կայքերից մեկն է՝ 4 միլիարդ այց, որոնցից յուրաքանչյուրը միջինում կազմում է 17ր 23վ։ (SEMrush)

4. Մեկ օգտատերը ամսական 10+ ժամ է ծախսում հարթակի վրա, այդ ժամանակը գնալով ավելանում է՝ հիմնականում շնորհիվ  Instagram Stories և Instagram Live ֆունկցիաների։ (App Annie)

5․Դեռահասների 72%-ն օգտվում է Instagram-ից։ (Statista)

6. #Love-ը բոլոր ժամանակների ամենահաճախ օգտագործվող հեշթեգն է, որը օգտագործվել է ավելի քան 2 միլիարդ գրառումներում։ Դրան են հաջորդում #instagood-ը և #fashion-ը։ Ի տարբերություն Twitter-ի՝ Instagram-ը օգտատերերին թույլ է տալիս ունենալ մինչև 30 հեշթեգ: (Kepios analysis)

7. Ամենահայտնի գրառումն (ձվի նկարը) ունի 55+ միլիոն հավանումներ։ (influencermarketinghub)

8. Instagram-ը սիրված հարթակ է բիզնեսների համար։ Յուրաքանչյուր օգտատեր ամենաքիչը 1 բիզնես էջի հետևում է։ Շատ կարևոր մի փաստ նշենք՝ շատերը հետևում են կոնկրետ բիզնեսին գովազդի արդյունքում։ (Instagram)

9. Միջինում 10․000-ից քիչ հետևորդ ունեցող բիզնես էջերն ունեն ամենաբարձր ինգեյջմենթը` engagement rate = 1.29%։ (influencermarketinghub)

10. Instagram-ում ամսական 130 միլիոն օգտատերեր սեղմում են Shopping գրառումների վրա, ինչը նշանակում է, որ մարդիկ հարթակից օգտվում են նաև գնումներ կատարելու նպատակով։ Իսկ ԱՄՆ-ում բիզնեսների 71 տոկոսը գրանցված է հարթակում։ (mention.com)

11. Instagram-ում հրապարակում անելու լավագույն ժամը 05։00-06։00-ն է․ երկուշաբթի և հինգշաբթի օրերի համար՝ 05։00-ն, իսկ շաբաթվա մնացած օրերի համար ՝ 06։00-ն: Ամեն դեպքում լավ կլինի մինչև 09։00 տեղադրել գրառումները։(CoSchedule) 

12. Կարուսելային գրառումներն ունենում են լավագույն ինգեյջմենթի գործակիցը՝ 1.05%․ վերջիններս վիդեոներից 2 անգամ շատ ինգեյջմենթ են ունենում։ (influencermarketinghub)

13. Instagram-ը մնում է Influencer Marketing-ի լավագույն ընտրությունը․ մարդկանց ավելի քան 85%-ը ասել է, որ ինֆլուենսերը դրդել է իրենց գնումներ կատարել: (Mediakix)

14. Instagram-ի օգտատերերի 50.8%-ը կանայք են, իսկ 49.2%-ը՝ տղամարդիկ։ (Statista)

15. 2021 թ. Instagram-ի ամենաբարձր reach ունեցող երկիրը Ղազախստանն է՝ 78,7% : (Statista)

16. Instagram-ն ընդհանուր առմամբ ունեցել է 503 միլիոն ներբեռնում 2020 թվականին: (Apptopia)

17. Instagram-ի տվյալներով՝ ավելի քան 500 միլիոն էջ ամեն օր օգտագործում է Instagram Story-ները:

Ահա այսքանն էր այսօրվա վիճակագրությունը։ Instagram-ը աճի շատ մեծ ներուժ ունի ու դեռ շարունակելու է զարգանալ, քանի որ օգտատերերը օրեցօր շատանում են։