Ինչո՞վ են աչքի ընկել Rouge Armenia-ն, Joffrey Perfume house-ն ու Hermitage Armenia-ն, ո՞ր սոցցանցում է գերակշռում վաճառող կոնտենտը. հատված հետազոտությունից

Ինչո՞վ են աչքի ընկել Rouge Armenia-ն, Joffrey Perfume house-ն ու Hermitage Armenia-ն, ո՞ր սոցցանցում է գերակշռում վաճառող կոնտենտը. հատված հետազոտությունից

A woman who does not wear perfume has no future. ահա այսպես էր կարծում աշխարհահռչակ Շանել բրենդի հիմադիր Կոկո Շանելը։ Կինն, ով չի օգտագործում օծանելիք, մի փոքր չափազանցված է ասել, որ ապագա չի ունենա, բայց գլոբալ առումով անհիշելի ժամանակներից հաճելի ձևով բուրելու մարդկության պահանջ միշտ եղել է։ 


 


Այսօր արդեն այս ոլորտում կան համաշխարհային փայլող բրենդներ, որոնք ունեն պատկառելի սպառման ծավալներ և իրենց սպառողներին տալիս են ընտրության լայն հնարավորություն։ 

 

Statista-ի 2020-ի սպառողների գլոբալ հարցումը պարզել է, որ լատինաամերիկացիները մեծապես օգտագործում են օծանելիք իրենց առօրյայում։ Եվրոպայում սերբերը (82 տոկոս) և լեհերը (79 տոկոս) օծանելիքի ամենամեծ սիրահարներն են, իսկ Ֆինլանդիան (45 տոկոս) և Շվեդիան (54 տոկոս) շատ ավելի քիչ են հետաքրքրված դրանցով:

 


Ըստ նույն հետազոտության կան երկրներ, ովքեր ամենաշատը նախընտրում են օծանլիքի սփրեյ տարբերակը։ 



Ինչևէ, մենք հայերս նույնպես քիչ չենք օգտագործում օծանելիք առօրյայում։ Շատերը ձեռք են բերում օնյալն, որոշները չեն ցանկանում ռիսկի դիմել ու նախընտրում են գնել դրանք խանութներից։ Actual-ը տարբեր ոլորտների վերաբերյալ իրականացնում է թվային հետազոտություններ, որոնցից որոշակի հատվածներ, նախապես պատվիրատուի հետ համաձայնեցնելով, հրապարակվում են մեր բլոգում։  Այս անգամ կհրապարակենք վերջերս օծանելիքների հայաստանյան շուկայում առավելապես ակտիվ կազամկերպությունների տեղեկատվական հոսքերի վերաբերյալ ուսումնասիրությունից մի հատված, որը կփորձի ցույց տալ, թե ինչպիսի՞ վարքագիծ են դրսևորում վերջիններս թվային տիրույթում։ 

 

Ուսումնասիրությունից առանձնացվել է հունիսի 11-ից 25-ն ընկած ժամանակահատվածը և 10 կազմակերպություններ, որոնցից են՝ Hermitage Armenia, Bourmunk, Mary,  Roug Armenia և այլն։

Ֆեյսբուք

Երբ ասում ենք, որ օծանելիք կամ որոշ խնամքի միջոցներ սպառողներից շատերը խուսափում են գնել օնլայն հարթակներից, դա բոլորովին չի նշանակում, որ թվային տիրույթում ներկայացված լինելը հակասում է վերոնշյալին։ Բնական է, որ մարդիկ մինչև չզգան օծանելիքի բույրը դժվար թե փորձեն  «կոնտակտի մեջ» մտնել տվյալ օծանելիքի հետ, բայց արդյո՞ք տեղեկատվական հոսքերում դիրքավորումը լուծում է միայն վաճառքի խնդիր։ 

 

Ֆեյսբուքյան էջի հետևորդների թիվն, իհարկե, այս հարցում  ամենակարևոր ցուցանիշը չէ, սակայն այն ունի խթանող դեր։ Մյուս կողմից էլ հետևորդներ ունենալը մի հարց է, հետևորդների հետ ճիշտ աշխատելն ու լավ կոնտենտ գեներացնելն այլ հարց, այնուամենայնիվ հասկանանք, թե օծանելիքների շուկայում խաղացող ընկերություններից ո՞վ ինչպիսի՞ դիրք ունի այս ցուցանիշով։ 

 

Եվ ասյպես, Ֆեյսբուքյան էջի հետևորդների ցուցանիշով ուսումնասիրության ենթարկված կազմակերպությունների առաջին 3 հորիզոնականները զբաղեցնում են համապատասխանաբար Hermitage Armenia, Lifestyle և Burmunk կազմակերպությունները։




Երբ բրենդի մեջքի հետևում կանգնած է հետևորդների մի հոծ բազմություն, դա անկախ ցանկությունից առաջացնում է սոցիալական պատասխանատվություն սեփական լսարանի ու սպառողների նկատմամբ։  Իհարկե, ինչ մեխանիզմով է պետք շփվել կամ փոխհարաբվել լսարանի հետ, խիստ հարաբերական է, սակայն կարևոր է գիտակցել, թե ինչպիսի կոնտենտ է մատուցվում բազամհազարանոց լսարաններին և այս կոնտակտի առաջին քայլը, բնաբանաբար, սոցցանցերի դեպքում հրապարկումներն են։

 

Մեր կողմից իրականացված ուսումնասիրությունը թույլ է տալիս նկատել, որ 14 օրվա ընթացքում նշված կազմակերպությունների կողմից իրականացրած հրապարակումների թվային դասավորվածությունը խիստ տարբեր է։ Կան կազմակերպություններ, ովքեր շռայլ են եղել հրապարակումների հարցում և կան որոշները, ովքեր ընդհանրապես չեն ունեցել հրապարակում։ Սա, որպես մրցակցային ցուցանիշ, առնվազն կարող է հուշել մյուս խաղացողներին, թե ինչպիսի՞ն է իրենց մրցակիցների վարքագիծն այս առումով ու ինչպիսի՞ն կարող է լինել իրենց կողմից մշակվող մարքեթինգային ռազմավարությունը։ Եկեք ուշադրություն դարձնենք, որ խոսքը չի վերաբերվում մեծ քանակությամբ հրապաակումների արդարացված լինել կամ չլինելուն, օգտակարությանը կամ ճիշտ ու սխալին, խոսքը վերաբերվում է արձանագրված փաստին։ 


Որքա՞ն հրապարակում պետք է անի կազմակերպությունը նմանատիպ պրոդուկտի սպառման շուկայում։ Արդյո՞ք օրական մի քանի հրապարակում անելն է աշխատում, թե շաբաթական մեկ հրապարակումը,  ինչպիսի՞ արձագանք է տալիս այս ակտիվությանը սպառողը։ Առաջին երկու հարցերը, բնականաբար, չունեն միանշանակ պատասխան, քանի որ դա կախված է կազմակերպության առջև դրված խնդրից, ռազմավարությունից ու պրոդուկտի տեսակից։ Այս հարցին հնարավոր է պատասխանել միայն խորքային ուսումնասիրության ժամանակ։ Մեր այս հետազոտությունը, չնայած, պատվիրատուի համար տվել էր նաև այդ հարցի պատասախանը, սակայն, ցավոք, կոնֆիդենցիալությունից ելնելով չենք կարող հրապարակել ավելի խորը մանրամասներ։ 


Ի դեպ, տուրիստական ոլորտը միավոր ժամանակահատվածում իրականացրած հրապարակումների տեսանկյունից մի քանի անգամ ավելի դինամիկ է։ Ցանկության դեպքում կարող եք կարդալ տուրիստական ոլորտի մասին մեր ուսումնասիրությունից մի հատված մանրամասն պատկերացնելու համար։


14 օրվա ընթացքում Rouge Armenia-ն, Joffrey Perfume house-ն, Hermitage Armenia-ն իրականացրել են ամենաշատ թվով հրապարակումներ՝ համապատասխանաբար 47, 47, 44 ցուցանիշներով։ Միջոցներ - Your Personal  կազմակերպությունը, որը հետևերդների թվով 7-րդ հորիզոնականում է, նշված ժամանակահատվածում չի ունեցել ոչ մի հրապարակում։ Նորից ֆիքսենք, որ էական չէ հրապարակումների թիվը, որովհետև շատ ժամանակ մարքեթինգային թիմերն ունենում են հստակ ռազմավարություն ու, այո, կարող է լինել դեպք, երբ մենք ունենանք սոցցանցային լռության օրեր։




Երբ խոսում ենք հրապարակումների թվից, բնական հարց է առաջանում. իսկ ինչպիսի՞ հրապարակումներ են անում բրենդները ու այս ոլորտի ակտիվ խաղացողներն ինչպիսի՞ մարտավարություն ունեն ցանցում։ Մեր ուսումնասիրության ժամանակ ուշադրություն ենք դարձրել նաև այս հանգամանքին։ Գլոբալ առումով, հրապարակում ասվածը ընդհանրական հասկացություն է ու ոլորտներ կան, որոնք պարզապես չեն կարող մեծապես շեշտադրում կատարել ագրեսիվ վաճառքի և ուղղակի վաճառքների վրա սոցիալական ցանցերում։ Այդպիսի կազմակերպությունները հիմնականում B2B կամ B2G տեսակի կազմակերպություններն են։ B2C ոլորտն այլ է, ու այստեղ բրենդը կարող է իրեն թույլ տալ առաջնորդվել վաճառքի դասական սկզբունքներով։ Մեր դեպքում՝ պարֆյումի ոլորտում, թվում է, թե խնդիրը պարզ է ու օծանելիքը, որի սպառողը հասարակ մարդն է, պետք է որ ենթադրեր ակտիվ վաճառքի մարտավարություն։ Ուսումնասիրությունը ցույց է տալիս, որ, ի տարբերություն, օրինակ տուրիստական ոլորտի, այս ոլորտն ունի այլ առանձնահատկություններ ու պատկերը մի փոքր խայտաբղետ է։ Hermitage Armenia-ի դեպքում վաճառող հրապարակումների տոկոսը չափազանց մեծ է, սակայն Joffrey-ի դեպքում, ով հրապարակումների թվով Rouge-ի հետ գլխավորում էր ցանկը, վաճառող հրապարակումների տոկոսը ավելի ցածր է։

Սա կարող է պայմանավորված լինել մի քանի հանգամանքով.

Ոլորտի առանձնահատկություն, որի վերաբերյալ դրական կամ բացասական գնահատական կարելի է տալ միայն ավելի խորքային ու երկարաժամկետ ուսումնասիրության դեպքում:

Օծանելիքը, որպես ապրանք, օնլայն տիրույթում ունի վաճառքի խոչընդոտ:


Առաջին կետի մասով թերևս ավելացնելու ոչինչ չկա։ Երկրորդ կետն ուղակիորեն շոշափում է այս հոդվածի սկզբում ընդգծած հիպոթեզը։ Մարդիկ մինչև կոնտակտի մեջ չմտնեն պարֆյումի հետ, դժվար թե գնեն։ Նորից նկատենք, որ սա զուտ հիպոթեզ է, որը ստուգման կարիք ունի ու Hermitage Armenia-ի թիմը գուցե գտել է օծանելիքի օնլայն վաճառքի բանաձևը։ Սրա մասին մի փոքր ուշ։


Մինչև առաջ անցնելը ֆիքսենք մի ցուցանիշ, որը հետո համեմատելու ենք Ինստագրամի ցուցանիշի հետ։ Փաստացի նշված ժամանակահատվածում Rouge Armenia, Mary,  Burmunk, Hermitage Armenia,

Lifestyle ընկերությունների կողմից ֆեյսբուքում իրականացվել է ընդհանուր առմամբ 134 հրապարակում, որի, 77.6%  տոկոսը կամ 104 հրապարակումը ունեցել են ուղղակի վաճառքի նպատակ։



Այստեղ առաջ է գալիս, բնականաբար, մյուս հարցը՝ եթե բարդ է վաճառել, ապա ի՞նչ հրապարակել։ Ընդունված պրակտիկա է սպառողին օգտակար կոնտենտով լիցքավորելը։ Ինչպես արդեն խոսել էինք պատասխանատվության զգացումից, սա այդ դեպքն է, երբ կազմակերպությունը մատակարարում է օգտակար կոնտենտ իր սպառողին ու բարձրացնում բրենդի նկատմամաբ հարգանքն ու վստահությունը։ Այս տեսակի հրապարակումներով առաջատարը կրկին Hermitage Armenia-ն է։ Ուսումնասիրության ժամանակ հետաքրքիր օրինաչափություն նկատեցինք, որ այս բրենդը կարողանում է համադրել, այսպես ասած, օգտակարը և հաճելին։ Hermitage Armenia-ն միաժամանակ շեշտադրում  է կատարսւմ և՛ վաճառող հրապարակումների վրա, և՛ մատուցում է օգտակար կոնտենտ։  Rouge Armenia-ի, Mary-ի,  Joffrey-ի դեպքում օգտակար հրապարակումները ընդհանուր հրապարակումների մեջ կազմում են համապատասխանաբար 42.5%, 62%, 27.6%։




Ինստագրամ


Ինստագրամում այս ոլորտում տեղեկատվական հոսքեր գեներացնող կազմակերպությունների ցանկը մի փոքր տարբերվում է ֆեյսբուքյան ցանկից։ Այլ կերպ ասած, կան կազմակերպություններ, որոնք կա՛մ ակտիվ չեն, կա՛մ ներգրավված չեն այս սոցցանցում։ 


Նշված ժամանակահատվածում  ֆիքսված կազմակերպությունների կողմից իրականացրած հրապարակումներ -  վաճառող հրապարակումներ հարաբերակցությունն ունի հետևյալ տեսքը։



Հետաքրքիր է, որ կա ընդունված կարծիք՝ Ինստագրամում ավելի հեշտ է վաճառվում։ Մենք արդեն վերևում առանձնացրել էինք հստակ կազմակերպությունների կողմից ֆեյսբուքում իրականացված հրապարակումներ - վաճառող հրապարակումներ հարաբերակցությունը։ Rouge Armenia, Mary,  Burmunk, Hermitage Armenia, Lifestyle ընկերությունների կողմից ֆեյսբուքում իրականացվել է ընդհանուր առմամբ 134 հրապարակում, որի, 77.6%  տոկոսը կամ 104 հրապարակումներն ունեցել են ուղակի վաճառքի նպատակ։ 

Ինստագրամում այս նույն կազմակերպությունների կողմից իրականացվել է 130 հրապարակում, որի 80.7%-ը կամ 105-ը ունեցել են վաճառքի նպատակ։ Պատկերը գրեթե նույնն է երկու հարթակներում էլ։ 

Այսպիսով, յուրաքանչյուր ոլորտ ունի իր առանձնահատկություններն ու նրբությունները, սպառողի հոգեբանությունն ու հետագիծը, պետք չէ առաջնորդվել հիպոթեզերով ու կարծիքներով։ Կարելի է պարզապես իրականացնել փորձարկումներ։ 

Բլոգ

Ինչո՞վ է ինտերնետ կախվածությունը վտանգավոր ուղեղի համար

Միջինում մեկ օգտատերն օրական մոտ 7 ժամ անցկացնում է համացանցում: Ի"նչ է տեղի ունենում մեր...

25.09.2021

Թուրքիայից եկող տեղեկատվական վտանգները. սթափեցնող մասնագիտական...

Թուրքիայից եկող տեղեկատվական վտանգները. սթափեցնող մասնագիտական վերլուծություն Actual-ից

25.09.2021

Ո՞ր տեսակի կոնտենտն է օգտագործվում թե՛ աշխարհի, թե՛ ՀՀ բժշկական...

Ուսումնասիրության մեջ տեղ են գտել այնպիսի մասնավոր բժշկական կենտրոններ, ինչպիսիք են՝ Avanta...

06.09.2021

Ինստագրամը, Սնապչատը և Տիկ Տոկը՝ 18-24 տարեկանների համար ինֆորմացիա...

2020 թվականին տրադիցիոն մեդիայի սպառման ծավալներն աճի միտում են դրսևորել, որի վրա, չի բացառվում, որ...

10.08.2021

Actual Podcast 06 - Արման Սուլեյմանյան. Ռիսկային ռեպորտաժներ, կոնտենտ...

Ռիսկային ռեպորտաժներ, կոնտենտ ստեղծելու մեխանիզմը և այլն

05.08.2021

Ի՞նչ տեսակի կոնտենտն է գերակշռում Hotel Russia, Harsnaqar Hotel,...

Ներկայացված հատվածում ուսումնասիրվել են հուլիսի 1-ից 15-ն ընկած ժամանակահատվածում Hotel Russia,...

05.08.2021

Actual Podcast 05 - Վահե Խաչատրյան: Սիթքոմերի պրոդյուսինգ, հայերը...

Սիթքոմերի պրոդյուսինգ, հայերը հումորի ռուսաստանյան շուկայում

05.08.2021

Հետաքրքիր փաստեր, թվային ցուցանիշներ, օրինակներ ՀՀ-ում և աշխարհում...

Այն ներառելու է հուլիսի 1-ից 15-ն ընկած ժամանակահատվածում Ֆեյսբուքում և Ինստագրամում թողարկված...

31.07.2021