Ակտուալ խնդիրներ ու դրանց հակազդելու մեխանիզմներ. հերթական քննարկում՝ Actual-ում

Ներկայացում 11.12.2021

Actual-ում տեղեկատվական հոսքերի կառավարման ակտուալ խնդիրների ու դրանց լուծման թեմայով հերթական հանդիպումը տեղի ունեցավ դեկտեմբերի 8-ին Էրեբունի Պլազայում։ Գործընկերներն իրենց բիզնեսների օրինակներով ներկայացնում էին տեղեկատվական հոսքերի կառավարման գործընթացի իրենց մոտեցումները, խնդիրները, արդյունավետ լուծված կամ դեռևս չլուծված հարցերը, կիսվում էին Actual-ի հետ համագործակցության փորձով:

Միջազգային տեղեկատվական ու նեղ ոլորտային թրենդներին հետևելը բիզնեսի համար դարձել է կենսական։ Տեղեկատվական հոսքերին չհետևող բիզնեսի համար առաջանում են մրցակցային դիրքերի զիջման ռիսկեր, իսկ թրենդները փոխվում են դինամիկ կերպով։

Մենք ներկայացնում էինք մեր նոր պրոդուկտները, այս անգամ ավանդական հետազոտական ու խորհրդատվական պրոդուկտներից զատ ներկայացրել ենք նաև մեր մեդիա պրոյեկտներից մեկը, որն արդեն ամսական 20 միլիոն լսարան ունի ֆեյսբուքում և 1 միլիոնից ավելի՝ օրգանիկ, թիրախային լսարան վեբ տիրույթում:

Ի՞նչ է սպասվում հաջորդիվ

Առաջիկայում սպասվում են հետաքրքիր իրադարձություններ, որոնց մասին առաջիկայում ավելի մանրամասն կկիսվենք մեր հարթակներում՝ պարզապես հետևեք մեզ։

Ինչպե՞ս միանալ նման ծրագրերի:

Ֆիքսված ժամանակահատվածում հնարավոր չէ որոշակի քանակի բիզնես քեյսերից ավել ուսումնասիրել, ներկայացնել քննարկման ու արդյունք ստանալ։ Ծանրաբեռնվածության որոշակի անկումից հետո, հնարավորություն կունենանք ներգրավելու արդեն այլ գործընկերների: Այնուամենայնիվ, կարող եք դիտել Actual-ի և Սերգեյ Սարգսյանի յութուբյան թողարկումը, նայել, բաժանորդագրվել ալիքին ու երբեք ձեռքը բաց չթողնել 21-րդ դարի հաջողության գրավականի՝ տեղեկատվական հոսքերի կառավարման, զարկերակից: