Ուիլյամ Նվաճողից մինչև Wirestock․ կայացավ հերթական Actual Events-ը

2022 թ․  մարտի 10-ին Կոնգրես հյուրանոցում տեղի ունեցավ հերթական Actual Events-ը։ Միջոցառմանը ներկա էին Actual-ի թիմն ու գործընկերները։ Ընթացքում ելույթներով հանդես եկան 4 բանախոսներ։ Այսպիսով, մասնակիցները կիսվեցին իրենց կուտակած գիտելիքներով, փորձով։ Actual Events-ի վարողն էր սիրված հաղորդավար Սերգեյ Սարգսյանը։

Actual Events-ը Actual-ի թիմի և գործընկերների հանդիպման ֆորմատն է։ Actual Events-ի մասնակիցներն իրենց ոլորտում կայացած անհատներ են և ունեն բովանդակային ասելիք։ Առհասարակ, հարթակը լայն հնարավորություններ է ստեղծում վերջիններիս կուտակված պրակտիկ գիտելիքների, փորձի և մասնագիտական կարծիքների լուսաբանման համար։ Իսկ Actual-ը օգնում է մասնակիցներին 21-րդ դարի թվային հաղորդակցությունների կատարելագործման հարցում։

Միջոցառման առաջին բանախոսը Actual-ի հիմնադիր Տարոն Պարսամյանն էր, ում ելույթը Actual Events-ի արդյունավետության և զարգացման սկզբունքների մասին էր:

Երկրորդ բանախոսը Wirestock-ի համահիմնադիր և տեխնիկական տնօրեն Վլադիմիր Խոեցյանն էր։ Նա իր ելույթում ներկայացրեց, թե ինչ է Wirestock-ը և ինչպես է այն հեշտացնում վիզուալ կոնտենտ ստեղծողների կյանքը:

Հաջորդիվ ելույթ ունեցավ Actual-ի տնօրեն Հրանտ Զիրոյանը, ով խոսեց կապիտալի կուտակման գործոնների էվոլուցիայի մասին, Հրանտը մատնանշեց այն բարիքները, որոնք իր հետ բերել է 21-րդ դարի տեղեկատվական հեղափոխությունը:

Եվ վերջին բանախոսը սցենարիստ, պրոդյուսեր Վահե Խաչատրյանն էր, ով մասնագիտական վերլուծության ենթարկեց մեդիայում սփռվող ժամանցային հոսքերը, օրինակներով մեկնաբանեց հայաստանյան և արտասահմանյան հումորի շուկաներում ստեղծված տարբեր նախագծեր։

Ելույթները ավարտվեցին, բայց երեկոն քաղցրացավ համեղ անակնկալով, որը պատրաստել էր Գուրմէ Դուրմէ-ի համահիմնադիր, տնօրեն, ինչպես նաև Actual Events-ի մասնակից Դիրան Բաղդադյանը․ բոլորը համտեսեցին Actual-ի և Actual Events-ի լոգոներով համեղ Գուրմէ Դուրմէ շոկոլադները։

Actual Events-ի մասնակից կարող են դառնալ բիզնեսի, արվեստի, մեդիայի, բժշկության և բազմաթիվ այլ ոլորտների այն կառավարիչները, առաջատար ներկայացուցիչները, ովքեր հետաքրքրված են մեդիա կոմունիկացիաներով, դրանց հետ կապված թարմ թրենդներով։ Կարճ ասած՝ Actual Events-ում համախմբված են մարդիկ, ովքեր ցանկանում են իրենց ձեռքը պահել մեդիա նորարարությունների զարկերակին, շարունակ ինքնակրթվել, լինել 21-րդ դարի տեղեկատվական մարտահրավերն ընդունած ակտուալ քաղաքացի։ Actual Events-ին մասնակցելու համար վճարումներ անհրաժեշտ չեն, սակայն մուտքն ազատ չէ. հրավիրյալների ցանկը հստակեցնում է Actual-ը։