Շոկոլադի արտադրությունից մինչև Product management․ կայացավ հերթական Actual Events-ը

2022 թ․ ապրիլի 28-ին Կոնգրես հյուրանոցում տեղի ունեցավ հերթական Actual Events-ը։ 

Այս անգամ միջոցառմանը ներկա էին Actual-ի թիմն ու Actual Events-ի հրավիրյալ մասնակիցները։ Actual Events-ի վարողն էր սիրված հաղորդավար Սերգեյ Սարգսյանը։ Միջոցառման ընթացքում ելույթներով հանդես եկան կրկին 4 բանախոսներ։ Այսպիսով, նրանք կիսվեցին իրենց կուտակած գիտելիքներով, փորձով, հետաքրքիր պատմություններով, պատասխանեցին լսարանի տված հարցերին:

Actual Events-ի մասին մանրամասները կարող եք կարդալ այստեղ՝ https://actual.am/hy/blog/actual-events/ :

Միջոցառման առաջին բանախոսը EasyDMARC-ի Product Manager Ռուբեն Խաչատրյանն էր, ով խոսեց այն մասին, թե ինչքանով է ակտուալ պրոդուկտի զարգացման փուլային մոտեցումը 21-րդ դարում, և թե  որքան հաճախ շփվել սպառողի հետ։

Երկրորդ բանախոսը Picsart-ի Talent Growth Director Վարս Վարդանյանն էր, ով խոսեց այն մասին, թե գործատուի բրենդինգը որքանով է ազդում աշխատաշուկայի վրա 21-րդ դարում, ինչպես է կառավարվում մարդկանց մոտիվացիան խոշոր կազմակերպություններում, և պատասխանեց շատ հարցերի, որ հետաքրքրում էին լսարանին:

Երրորդ բանախոսը Gourmet Dourme-ի համահիմնադիր և տնօրեն Դիրան Բաղդադյանն էր, ով իր ելույթում խոսեց բիզնեսմենի կյանքում ընտանիքի դերի և ԱՄՆ արտահանման դժվարությունների և հնարավորությունների մասին, ինչպես նաև Հայաստանի շոկոլադի շուկայում Gourmet Dourme-ի հաջողության գաղտնիքի մասին:  

Եվ վերջին բանախոսը հաղորդավար, մարքեթոլոգ Արմինե Ճաղարյանն էր: Նա խոսեց 21-րդ դարի ղեկավարի հանրային կերպար լինել-չլինելու մասին, funny բովանդակություն սպառելու մասին, պատասխանեց հարցերի, որոնք առհասարակ հետաքրքրում են 21-րդ դարի մարդկանց:

Միջոցառումը բաղկացած էր 2 մասից, առաջին 2 բանախոսների ելույթներից հետո տեղի ունեցավ սուրճի ընդմիջում, և ներկաները ավելի մոտիկից շփվեցին միմյանց հետ:

Actual Events-ի մասնակից կարող են դառնալ բիզնեսի, արվեստի, մեդիայի, բժշկության և բազմաթիվ այլ ոլորտների այն կառավարիչները, առաջատար ներկայացուցիչները, ովքեր հետաքրքրված են մեդիա կոմունիկացիաներով, դրանց հետ կապված թարմ թրենդներով։ Կարճ ասած՝ Actual Events-ում համախմբված են մարդիկ, ովքեր ցանկանում են իրենց ձեռքը պահել մեդիա նորարարությունների զարկերակին, շարունակ ինքնակրթվել, լինել 21-րդ դարի տեղեկատվական մարտահրավերն ընդունած ակտուալ քաղաքացի։ Actual Events-ին մասնակցելու համար վճարումներ անհրաժեշտ չեն, սակայն մուտքն ազատ չէ. հրավիրյալների ցանկը հստակեցնում է Actual-ը։