Հեղափոխվող տեղեկատվական աշխարհ. ինֆորմացիոն հոսքերի կառավարման ժամանակակից մոտեցումները
Սեպտեմբերի 23-ին Actual-ի թիմի նախաձեռնած միջոցառման շրջանակներում բիզնեսի և մեդիայի մի շարք առաջատար ներկայացուցիչներ քննարկեցին հեղափոխական արագությամբ փոփոխվող տեղեկատվական հոսքերի կառավարման առանձնահատկությունները:
Ինչպե՞ս ճիշտ օգտագործել աշխարհի հետ արագ կոմունիկացվելու խողովակները, ո՞րոնք են պրակտիկայում տեղեկատվության փոխանցման ամենաարդյունավետ միջոցները և մի շարք այլ հարցեր միջոցառման քննարկումների կիզակետում էին։
Հաճախ բիզնեսները տեղեկատվական հոսքերի կառավարման գործընթացին վերաբերվում են մակերեսորեն առանձին առանձին լոկալ խնդիրներ են լուծում, բայց տեղեկատվական հոսքերի կառավարումը դառնում է մարտահրավեր, իսկ համապատասխան մենեջմենթ չունենալը գնալով դառնալու է էլ ավելի բարդ։ Միջոցառման ընթացքում Actual-ի թիմը կիսվեց սեփական հետազոտական աշխատանքների ընթացքում առաջացած եզրակացություններով, իսկ հյուրերը քննարկման ներկայացրին իրենց նեղ ոլորտներին առնչվող խնդիրներ: Actual-ի թիմը կիսվեց նաև տեղեկատվական հոսքերի կառավարման համաշխարհային «best practice»-ներով։
Նախատեսվում է փակ ձևաչափով նման հանդիպումներ կազմակերպել ժամանակ առ ժամանակ, որտեղ ներկայացվելու են թարմ թրենդներ, հետազոտական և վիճակագրական տվյալներ:
