Ի՞նչ է Actual Events-ը
Actual Events-ը Ակտուալի և գործընկերների հանդիպման ֆորմատն է: Actual Events-ն իրականացվում է ժամանակ առ ժամանակ՝ հիմնականում 40-50 օրվա ընթացքում։ Առաջիկա Actual Events-ը տեղի կունենա 2022 թվականի ապրիլի 28-ին՝ ժամը 18։45-ին, Կոնգրես հյուրանոցում։
Actual Events-ին մասնակցելու առավելությունները․
- Ներկայացվում են մեդիա թրենդների վերաբերյալ թարմ հետազոտություններից պրակտիկ արդյունքներ։
- Փակ ֆորմատի մասնակից անհատների և կազմակերպությունների համար առաջարկվում են PR արշավների բովանդակային և տեխնիկական լայն հնարավորություններ։
- Մասնակիցների կողմից ներկայացվում են ինդիվիդուալ ելույթներ 21-րդ դարի մարդուն հետաքրքրող ակտուալ թեմաների վերաբերյալ։
- Ներկայացվում են ՀՀ շուկայում գործող մեդիա հարթակների վերաբերյալ թարմ և դեռևս չհրապարակված վարկանիշային ցուցանիշներ։
Քանի որ Actual Events-ի մասնակիցներն իրենց ոլորտում կայացած անհատներ են և ունեն բովանդակային ասելիք, հարթակը լայն հնարավորություններ է ստեղծել վերջիններիս կուտակված պրակտիկ գիտելիքների, փորձի և մասնագիտական կարծիքների լուսաբանման համար։
Ինչպե՞ս դառնալ Actual Events-ի մասնակից
Actual Events-ի մասնակից կարող են դառնալ բիզնեսի, արվեստի, մեդիայի, բժշկության և բազմաթիվ այլ ոլորտների այն կառավարիչները, առաջատար ներկայացուցիչները, ովքեր հետաքրքված են մեդիա կոմունիկացիաներով, դրանց հետ կապված թարմ թրենդներով։ Կարճ ասած՝ Actual Events-ում համախմբված են մարդիկ, ովքեր ցանկանում են իրենց ձեռքը պահել մեդիա նորարարությունների զարկերակին, շարունակ ինքնակրթվել, լինել 21-րդ դարի տեղեկատվական մարտահրավերն ընդունած ակտուալ քաղաքացի։ Actual Events-ին մասնակցելու համար վճարումներ անհրաժեշտ չեն, սակայն մուտքն ազատ չէ․ հրավիրյալների ցանկը հստակեցնում է Ակտուալը։
